Tez-tez verilən suallar

Devlab istedadları İT sahəsində real layihələr və praktiki təcrübə ilə yetişdirən təhsil və inkişaf ekosistemidir. Məqsədimiz yalnız nəzəriyyə deyil, bazarda şirkətlərə hazır mütəxəssis yetişdirməkdir.

Minimum 3 ay davam edən proqramda seçdiyin sahə üzrə (Frontend Development, Backend Development for Java, Data Science, Data Analytics, AI Engineering) hər həftə real biznes probleminə əsaslanan tapşırıq alırsan. Mentor kodunu nəzərdən keçirib ətraflı rəy verir, həftəlik canlı görüşlər keçirilir. Proqramın sonunda Devlab Enterprise modulu ilə inkişaf göstəricilərin partnyor şirkətlərə təqdim olunur, referans verilir.

Xeyr, Devlab 100% onlayn ekosistemdir — dünyanın istənilən yerindən qoşula bilərsən. Tapşırıqlar platformada icra olunur, mentor görüşləri isə həftəlik canlı onlayn keçirilir. Bundan əlavə, hackathon, workshop və meetup kimi həm oflayn, həm də onlayn tədbirlər təşkil edirik.

Proqram proqramlaşdırmaya yeni başlayanlardan tutmuş karyerasını inkişaf etdirmək istəyən peşəkarlara qədər hər kəsə uyğundur.

İştirakçılar yalnız kod yazmır, real texnologiya ekosisteminin içində olurlar: real layihələr üzərində işləyir, mentorlarla birbaşa əməkdaşlıq edir, networking tədbirlərinə və workshop-lara qoşulurlar. Həm güclü portfolio qurur, həm də performanslarına əsasən şirkətlərə daha uyğun namizədlər kimi təqdim olunurlar.

Hər iştirakçıya proqramın əvvəlindən sahə üzrə mütəxəssis olan mentor təyin edilir. Mentorlar həftəlik görüşlərdə code review aparır və yol xəritəni müəyyənləşdirməyə kömək edirlər. İştirakçılar hər zaman mentordan dəstək ala bilirlər.

Qeydiyyat səhifəsində sahəni seç, şəxsi məlumatlarını daxil et — bir neçə dəqiqə çəkir və pulsuzdur. Qeydiyyatdan sonra e-poçtuna imtahan linki göndərilir; imtahanı 3 gün ərzində tamamlamaq lazımdır.

Platformaya giriş pulsuzdur. Proqramın aylıq qiyməti ₼670-dir, lakin nəticələrinə görə təqaüd qazana bilərsən: 100% təqaüdlə ₼0, 80% təqaüdlə ₼134, 60% təqaüdlə ₼268 (aylıq).

Pulsuz qeydiyyatla sənə uyğun gündəlik məşqlərə, 3 real tapşırıq nümunəsinə və sahən üzrə öyrənmə resurslarına çıxış əldə edirsən. Proqrama qoşulmaq barədə qərarı sonra verirsən.

Yüksək performans və inkişaf potensialı göstərən namizədlər təqaüd proqramına müraciət edə bilərlər. Seçim zamanı namizədin motivasiyası və qiymətləndirmə nəticələri əsas götürülür.

Proses 2 mərhələdən ibarətdir: texniki test və onlayn müsahibə. Hər mərhələnin nəticələri qiymətləndirilir və yekun təqaüd dərəcəsi ümumi performansa əsasən müəyyən edilir.

İmtahan seçdiyin sahəyə uyğun olur və bilik səviyyəni ölçmək məqsədi daşıyır.

Bəli, proqramı uğurla tamamladıqdan sonra rəsmi sertifikat alırsan.

Proqramı bitirən uğurlu namizədlər inkişaf yolu, portfoliosu və həllərinin keyfiyyəti kimi göstəricilərlə birlikdə əməkdaş şirkətlərə təqdim olunur. Mümkün işəgötürmə prosesləri də dəstəklənir.

Bu modulda inkişaf göstəricilərini şirkətlərə təqdim edərək, sənə uyğun şirkətlərə çıxış imkanı təmin edirik. Proqramı bitirdikdən sonra orta balına uyğun olaraq bu moduldan yararlanırsan.

Məzunlarımız ölkənin aparıcı bank, holdinq və texnologiya şirkətlərində proqramçı və mütəxəssis kimi çalışırlar. Onların arasında Kapital Bank, ABB, IDDA, Crocusoft, AzInTelecom, Andersen Global, Bizera və digər tanınmış şirkətlər var.